Etter årevis med utfordringar var dagen endeleg komen. 21 juni 2023, på årets lengste dag, kunne primus motor, eldsjel, og altmuligmann, Per-Øyvind Sørbø ynskje velkommen til fjells.
Grunneigar, Hans Endestad, Ole Aukland frå Sparebanken Sogn og Fjordane heldt snora og ordførar Ola Teigen sto for den høgtidlege opninga.
Leiar i Eikefjord idrettslag Julie Humlestøl-Titlestad fekk æra av å låse opp hytta. Idrettslaget mottok ein gåve sjekk frå Sparebanken på 15000 kroner. Pengane kjem vel med når benkar og bord skal på plass utanfor hytta.
Vi må nok ein gong få takke grunneigar Hans Endestad som har stillt grunn til disposisjon for hytta vår.
Så no kan vi sei velkommen inn, bruk den og kos dokke i og rundt hytta. Vi har ein hytteregel:
Forlat hytta slik du ynskjer å finne ho.
