Jølster vann Eikefjord Cup

Kamp om 5. plassen

I dagens første kamp skulle Førde 3 og Tempo FK spele om å ikkje kome på sisteplass i årets Eikefjord Cup. Tempo startar best og tek leiinga 1-0, ved tidlegare Eikefjordspelar Andreas Brandsøy. Førde 3 snudde kampen og vann 2-1, noko som betyr at fjorårets finalist Tempo, endte sist i årets turnering. 

Eikefjord fekk bronse på heimebane

Heimelaget Eikefjord hadde sjølvsagt ambisjonar om å vinne foran eige publikum, men 1-2-tap mot Jølster og ein knepen 1-0-siger mot Tempo FK laurdag, haldt berre til bronsefinale. Der møtte dei eit forsterka Florø 3-lag. Harald Gjervik tok nemleg med blant anna Thomas Hallstensen og Anders Fleten til søndagens kamp. Trass i dette var det Eikefjord som festa grepet om kampen i første omgang. Midtvegs i første omgang blir Florø 3 reduserte til 10 mann, då Jakob Guddal blir felt på veg i gjennom. Like etter får Eikefjord uttelling, då Jakob Guddal stangar inn 1-0, etter eit fantastisk innlegg av Petter Langeland. 1-0 er også resultatet til pause. 

I andre omgang gjer Florø endringar. Oppskrifta er enkel: Diagonal crossar frå Hallstensen, gjennom til ein kvikk Fleten. Andre omgang er berre ti minuttar gammal då Florø utlignar til 1-1. Sjølv om Florø i ein liten periode er det beste laget, er det eikefjordingane som ville det mest i dag. Etter 60 minutt er Petter Langeland nok ein gong servitør, og på bakerste stolpe taklar Thomas Storehaug Øren inn 2-1 til heimelaget. Etter dette har Eikefjord brukbar kontroll på kampen, og vondt blir til verre for Gjerviks menn, då Hallstensen pådrar seg to kjappe gule kort, og må forlate stadionområdet. Med 9 mann har Florø ingenting å stille opp med, og då Stian Viken fastset sluttresultatet til 3-1, kan Eikefjord juble for bronse i si eiga turnering.

Jølster trakk det lengste strået

I dagens siste kamp skulle Jølster og Hyen kjempe om det aller gjevaste trofeet. Finalen var ein jamnspelt kamp. Til pause var stillinga 0-0, og dette resultatet stod seg til andre omgang var halvspelt. Då går Jølster opp til 1-0. Hyen kjempar for ei utligning, men klarer ikkje å skape dei heilt store sjansane. Det betyr at Jølster vann årets utgåve av Eikefjord Cup! Jølster sin kaptein, Bård Sandnes blei kåra til turneringas beste spelar. Vi gratulerer! 

Sjekk ut Eikefjord Fotball si facebookside for bilete frå helgas kampar.