Det har vorte utført ein stor jobb med å utbetre turstien mot støylane, og det innebærer blant anna rydding av ein mengde kratt og skog. Mykje av dette har vi køyrt gjennom fliskuttar, og denne massen står folk fritt til å forsyne seg av.

Brødrene Grønsberg har full kontroll på fliskutteren.

Per-Øyvind og Odd Asle fekk hjelp av Cathrin, Arve og Asgeir til å forbetre turstien forbi Lona. Om du ikkje viste kor Lona er, er det på stien mot Eikefjordstøylen.

Her er det vorte bygd ein ny trase med steinar, slik at ein kan gå tørrskodd forbi området også når det har vore regn. Det manglar fortsatt elvegrus på toppen, men det vil snart vere på plass. God tur!

Laurdag 13. juni kl. 9-12 vil Eikefjord Idrettslag arrangere dugnad på turstien opp til Eikefjordstøylen. Primus motorane Per-Øyvind Sørbø og Odd Asle Endestad ønsker hjelp til å få oss tørrskodd forbi Lona. Då trengs det at vi steinlegg stien der. Ta med deg bøtter til å plukke stein i, og i tillegg er det lurt å ha på seg støvler. Vi sjåast.

Eikefjord Idrettslag har store planar med grasbana og området rundt. Fylkeskommunen har sagt ja til å støtte oss i utviklinga av ein aktivitetspark der både små og store vil kunne velge i mange aktivitetstilbod.

Fylkeskommunen betaler i praksis for bruken av arkitektfirma til å teikne og planlegge heile det aktuelle området. Denne kostnaden er i utgongspunktet berekna til kr 350 000. Leiaren i dette prosjektet, Brigt Samdal, og hans gjeng «held i taumane».

I løpet av sommaren vil det verte bestemt kva for arkitekt som får oppdraget, og så vil vi sette i gong med å utvikle området. Teikne- og planleggingsprosessen skal vere ferdig til nyttår, og deretter er det å få «spaden i jorda» så fort som mogeleg.

No har vi skifte ut jernrekkverket med flunk nytt glassrekkverk. Det har over tid våre ein utfordring at ein ikkje ser godt frå tribuneplass grunna det tidlegare spilerekkverket i metall. Difor har det gjerne vorte slik at ein står framme ved rekkverket i staden for å sitte på tribuna. Dette har vore ein utfordring ved større arrangement med mange på tribuneplass.

Difor har Eikefjord Idrettslag no skifte ut det gamle rekkverket med krystallklart glass som endeleg gjer det mogeleg å sitte på tribunen og likevel ha full oversikt over det meste av hallflata.

Fire boss-spann for hundeskit er no satt opp på turstiane i Sørmarka. Dette gjer det lettare for alle som har hundar med seg på tur. Ein slepp å ta med seg posane heim, og vi unngår at nokon sett desse posane att på stien.

Turgeneralen har på nytt gjort eit godt stykke arbeid. Ikkje berre er det satt opp fire boss-spann, men vi har også høyrt på dei mange som meiner vi må sette opp skilt med vippsnummer til støtte for nye og oppgradering av eksisterande turstiar. Liknande skilt og boss-spann vil etter kvart kome opp på andre turstiar i Eikefjordområdet.

Dette vll blant anna gjelde den store oppgraderinga av stien frå rasteplassen til Eikefjordstøylen, og deretter vidare over til Hovlandstøylen.

No er det mogeleg å melde seg på til Eikefjord halvmaraton. I tillegg til halvmaraton vil det også vere barneløp, 5 km og 10 km. Det er eigen trimklasse for dei som ikkje ønsker å springe på tid.

Oppstarten for barneløpet er kl. 11, mens dei andre løpa starter kl. 12.

Kvar torsdag kl. 18:00 vert det yoga i Allhuset i Eikefjord. Shree Lakshmy kjem til Eikefjord for å ha yoga med oss. Dette er utanom Eikefjord Treningssenter, og difor betaler ein direkte til Shree.

Shree har budd i Norge i åtte år, og har undervist i yoga i Naustdal i fem år. No ønsker ho også å ha yoga i Eikefjord.

Ho har to uttdanninger frå India (internationally certified), og underviser hovedsakelig i Hatha-yoga og Ashtanga-yoga. Den første passer veldig bra for nybegynnere, og den andre er på eit meir avansert nivå, – kan tilpasse nybegynnere også etter kvart.

Timene varer som regel 90 minutt, der det er 60-70 minutts trening, mens den siste delen handler om pust og avslapning.

Ho gleder seg stort til å komme til Eikefjord kvar torsdag framover til første veka i juni.

Det er vår i fjellet.

Helga 1.-3. mai vankar det dobbelt med poeng på turmålet med høgast poeng du har gått desse dagane (poenga vert lagt til i veke 19).

Vi kan lokke med nye turmål som Vikanipa, Skreene, Nordalstøylen, Midtbønipa, Knollane, Flatenipa og Fiskevatn.

Vi gjev deg endå til trippel poeng om du stikk innom kvilehytta i løpet av dagane for å nyte utsikta.

God tur!

Tusen takk til Sparebank1 Sogn og Fjordane for kr 150 000 til oppgradering av turstien opptil Eikefjordstøylen og vidare over til Hovlandstøylen.

Allereie helga 18. og 19. april var gjengen til Per-Øyvind Sørbø i gong med det omfattande arbeidet med å forbetre og oppgradere denne populære turstien.

No vert det snart endå hyggelegare å ta turen frå rasteplassen til Eikefjordstøylen og vidare over til Hovlandstøylen. Første steget «på vegen» er Bjønnemyra og området der. Odd Rune Sørbø har ansvaret for gravinga.

Det er mykje som skal gjerast på den cirka to km lange strekninga frå rasteplassen og opptil Eikefjordstøylen. Deriblant ein del passeringar over berg og trerøtter som kan vere skumle. Spesielt gjeld dette om vinteren og når det er vått.

Mange liker å gå frå rasteplassen til Eikefjordstøylen og deretter over til Hovlandstøylen og ned att – eller omvendt. Difor vil også stien frå Eikefjordstøylen over til Hovlandstøylen også få ein oppgradering.

Målsetninga til Eikefjord Idrettslag er at stadig fleire, både eikefjordingar og andre, skal bruke det unike turnettet i bygda vår.