Skip to content

Sesongstarten i 6. divisjon er rett rundt hjørnet! Treningskampar og Eikefjord Cup er unnagjort, og det er no det verkeleg gjeld. Eikefjorden sitt A-lag reiser søndag til Fure for å kjempe om sesongens første poeng.

Forrige sesong gjekk tangotrøyene seirande ut i begge møta med dei blåkledde frå Fjaler. I heimemøtet blei stillinga 1-0, og Øyvind Sørbø blei matchvinnar i ein kamp Eikefjorden dominerte stort. Det omvendte møtet blei spelt på Dingemoen Stadion i Dale, og ei tett og jamn batalje, som var prega av høg temperatur hjå heimelaget, endte med 1-0-siger til Eikefjord. Erling Austreim blei matchvinnar denne kampen. Korleis? På frispark frå 25 meter sjølvsagt…

Sidan den gong har Fure endeleg fått eiga heimebane. Våge Stadion er namnet, og det blir ingen enkel kamp for bortelaget. Fure har nemleg aldri tapt på Våge Stadion, som ikkje er større enn 48x90meter.

Årets tropp

Håvard Mjølkeråen har tatt fatt på sin fjerde periode som a-lagstrenar for Eikefjord. Han går inn i i sesongen med fleire kjent fjes, i tillegg til nokre nye namn som har komt inn dørene på Eikefjord Idrettspark. Det gjer at troppen for sesongen 2018 ser slik ut: 

 Marcus Tonheim, Erling Austreim, Thomas Øren, Espen Øren, Torbjørn Knapstad Endestad, Sondre Nybø, Kristine Nybø, Elemine Øyra, Skjalg Lyngstad, Christian Bauge, Petter Langeland, Øyvind Sørbø, Bjørnar Øren, Stian Viken, Lars Hermann Terøy, Mathias Pedersen Nesse, Adrian Sander Ramsdal, Jakob Guddal Hansen, Håvard Mjølkeråen og Vegard Henriksen

 

Vi i Eikefjord Fotball ser fram til kampen på søndag og håpar å ta med tre poeng heim att til Eikefjorden!